شروط الاستخدام
النص ده مبدئي ولسه محتاج مراجعة قانونية قبل الإطلاق.
الخدمة
معرضي بيديك صفحة تعرض عليها منتجاتك ولينكاتك. البيع والتوصيل والتعامل مع العملاء مسؤوليتك إنت.
الاشتراك
الاشتراك شهري لكل صفحة. لو الاشتراك خلص ومااتجددش، الصفحة بتقف مؤقتاً وبياناتك بتفضل محفوظة.
المحتوى الممنوع
ممنوع عرض منتجات مخالفة للقانون أو مقلّدة أو مضللة، أو محتوى للكبار أو أسلحة أو أي حاجة المنصات اللي عملاءك بيستخدموها (زي فيسبوك وإنستجرام وواتساب) مش بتسمح بيها. من حقنا نوقف أي صفحة تخالف ده.
اللينكات
أي لينك في صفحتك (أزرار الطلب، البانر، لينكات السوشيال) لازم يودّي لمكان حقيقي وقانوني ليك الحق تستخدمه. ممنوع تحط لينكات نصب أو تصيّد أو برامج ضارة أو مواقع مضللة، وممنوع تستخدم لينكات مختصرة عشان تخبّي الوجهة. بنفحص اللينكات على قوائم حظر وخدمات أمان، ومن حقنا نرفض أو نشيل أي لينك أو نوقف الصفحة من غير إنذار. وبما إن كل الصفحات على دومين واحد، صفحة واحدة مسيئة ممكن تخلّي ma3rady.com يتحظر على السوشيال وتضر باقي المبدعين، وده بناخده بجدية.
إيقاف الحساب
تقدر تمسح صفحتك في أي وقت من الإعدادات. ومن حقنا نوقف الحسابات اللي بتسيء استخدام الخدمة.
لأي سؤال كلّمنا على [email protected]